Amad lík­lega frá út tíma­bilið

Amad hefur verið einn af fáum ljósum punktum á annars hörmulegu tímabili Man United. Síðan Rúben Amorim tók við liðinu hefur hann að öðrum ólöstuðum verið besti maður liðsins.

• Amad hefur skorað sex mörk og gefið sex stoðsendingar í 22 leikjum í ensku úrvalsdeildinni á leiktíðinni. Hann hefur með beinum hætti komið að 12 af þeim 28 mörkum sem liðið hefur skorað.

Chris Wheeler hjá Daily Mail greinir nú frá því að Amad verði frá það sem eftir lifir tímabils vegna ökkla meiðsla sem hann varð fyrir á æfingu.

Til að bæta gráu ofan á svart greinir Wheeler frá því að hinn ungi og efnilegi Mainoo verði einnig frá í nokkrar vikur. Ef það er ekki nóg þá verður liðið án hins sívinnandi Ugarte og hins spræka Collyer gegn Spurs á morgun, sunnudag.

Leikmannahópur Rauðu djöflanna er í þynnri kantinum og verður forvitnilegt að sjá hvernig Amorim stillir upp í Lundúnum á sunnudag.