Heilsan væri ekki sú sama án mjólkursýru­gerlanna frá Probi

Þarmaflóran gegnir lykilhlutverki í líkama okkar og heilsu og hefur mikið að segja um heilsufar okkar alla ævi. Hún samanstendur af milljörðum örvera sem stuðla að eðlilegri starfsemi meltingarfæra, ónæmiskerfis og jafnvel andlegri líðan. Öflug þarmaflóra er forsenda heilbrigðar starfsemi meltingarfæranna og getur ójafnvægi í þarmaflórunni verið tengt ýmsum líkamlegum og andlegum kvillum. Til að viðhalda góðu jafnvægi hennar er mikilvægt að tileinka sér hollt og næringarríkt mataræði en ásamt því er hægt að taka reglulega inn mjólkursýrugerla í formi bætiefna, sem stuðla að sterkari og stöðugri þarmaflóru.

Vöndum valið á mjólkursýrugerlum

Mjólkursýrugerlar eru náttúrulegur hluti af örveruflóru þarmanna og gegna mikilvægu hlutverki í meltingarstarfseminni. Þeir eru fjölbreyttir að gerð og virkni, en finnast bæði í fæðu og meltingarvegi mannsins. Mjólkursýrugerlar geta haft ýmis jákvæð áhrif á heilsuna með því að styðja við meltingu og frásog næringarefna.

Ég mæli eindregið með Probi gerlunum fyrir alla sem vilja bæta heilsuna og almenna vellíðan!

Þegar velja á mjólkursýrugerla er mikilvægt að huga að fjölda lifandi gerla í hverju hylki og virkni þeirra. Gerlarnir frá Probi eru einstök viðbót við daglega rútínu, en hvert hylki inniheldur 10 milljarða lifandi mjólkursýrugerla. Probi Original inniheldur gerilinn Lactobacillus plantarum 299v, sem hefur eiginleika til að fjölga sér í meltingarvegi og stuðlar þannig að betri meltingu og minni óþægindum tengdum maga og meltingu.

Probi mjólkursýrugerlarnir í miklu uppáhaldi

Katrín Edda hefur í mörg ár lagt áherslu á að styðja við heilsu sína með góðum mjólkursýrugerlum. Probi mjólkursýrugerlarnir hafa verið ómissandi hluti af daglegri rútínu hennar, þá sérstaklega Probi Female en sú blanda inniheldur einnig mikilvæg næringarefni fyrir konur. „Ég hef tekið mjólkursýrugerla almennt í mjög mörg ár enda lengi vitað um mikilvægi góðrar þarmaflóru og að ef meltingin er ekki í lagi virkar ekkert annað í líkamanum. Ég er ótrúlega ánægð með Probi mjólkursýrugerlana sem ég hef tekið núna í nokkur ár og sérstaklega hrifin af Probi Female blöndunni sem inniheldur auk mjólkursýrugerlanna, járn, fólínsýru og C-vítamín, allt mikilvægt fyrir heilsu kvenna á barneignaraldri. Ég mæli eindregið með Probi gerlunum fyrir alla sem vilja bæta heilsuna og almenna vellíðan!,“ segir Katrín Edda.

Gerlarnir frá Probi eru einstök viðbót við daglega rútínu.

Probi Female formúlan er sérhönnuð fyrir konur

Probi Female inniheldur einkaleyfisvarða mjólkursýrugerilinn Lactobacillus plantarum 299v sem viðheldur heilbrigðum meltingarvegi og hefur verið rannsakaður til fjölda ára. Auk þess er blandan bætt með járni, fólínsýru og C- vítamíni sem stuðlar að eðlilegri starfsemi ónæmiskerfisins sem og eykur upptöku járns. Probi Female hefur það að markmiði að auka upptöku járns ásamt því að það er milt fyrir meltingarkerfið sem og náttúruleg leið til að viðhalda góðum járngildum í líkamanum. Probi Female formúlan er einstök og góður kostur hennar er að hún hentar einnig vel fyrir barnshafandi konur.