Fögnuðu sigrum sínum langt fram á nótt

Samtök markaðs og auglýsingafólks í samráði við samband íslenskra auglýsingastofa veita árlega verðlaunin Lúðurinn fyrir bestu auglýsingar ársins.

Auglýsingastofan Hér&Nú hlaut tólf tilnefningar á Lúðrahátíðinni og vann í þremur flokkum: lengri kvikmyndaðra auglýsinga fyrir Reykjavíkurmaraþon Íslandsbanka, hljóðauglýsinga fyrir Blush og Sorpu og umhverfisauglýsinga, einnig fyrir Blush og Sorpu.

Að hátíðinni lokinni hélt auglýsingastofan heljarinnar partý þar sem gestir og gangandi gæddu sér á gómsætum veitingum og skáluðu langt fram eftir kvöldi.

Tónlistarmaðurinn Eyþór Wöhler, meðlimur Húbba Búbba, og Erpur Eyvindarson (Blaz Roca) skemmtu gestum ásamt DJ Mellí eins og þeim einum er lagið. Teitið var eitt það fjölmennasta og fjörugasta Lúðrapartý auglýsingastofunnar frá upphafi, eins og sjá má á meðfylgjandi myndum.