Innlent

Hestar á vappi um Kórana

Rafn Ágúst Ragnarsson skrifar
Hrossin bitu gras og spásseruðu um göturnar í bæjarferð.
Hrossin bitu gras og spásseruðu um göturnar í bæjarferð. Óðinn Þór Hansen

Sjö lausir hestar sáust á vappinu um Vallakór í Kópavogi síðdegis í dag. Íbúi í hverfinu kom að þeim þar sem þeir bitu gras á umferðareyju og spásseruðu um bæinn.

Óðinn Þór Hansen var á leið sinni heim af pílumóti ásamt móður sinni og þegar hann keyrir inn götuna kom hann auga á litla hjörð af hestum hlaupandi þvert inn á akbrautina. Hann segist telja að þeir hafi komið frá hesthúsum sem eru þarna í um kílómeters fjarlægð.

Hann segir hestana afskaplega fallega en brýnir til þeirra sem eiga leið um Kórana að hafa augun opin, enda er hegðun hesta í umferðinni ögn ófyrirsjáanlegri en okkur mannanna.

„Það getur allt gerst,“ segir Óðinn.

Hestar Kópavogur Dýr

Mest lesið


Fleiri fréttir

Sjá meira


×

Mest lesið