Gos við bæjar­mörkin: Aukafréttatími í há­deginu

Fréttamenn okkar Tómas Arnar Þorláksson og Kristján Már Unnarsson eru á svæðinu og greina frá stöðunni í beinni. 

Einnig sjáum við myndefni af hamförunum en versta sviðsmynd Almannavarna raungerðist í morgun þegar sprungan opnaðist innan við varnargarðinn fyrir ofan Grindavík.

Einnig verðum við á Laugaveginum hjá Almannavörnum þar sem rætt verður við viðbragðsaðila og þá heyrum við einnig í Þorbjörgu Sigríði Gunnlaugsdóttur dómsmálaráðherra sem er stödd þar til að fylgjast með stöðu mála.

Kristín Jónsdóttir náttúruvársérfræðingur rýnir í stöðuna og við fáum að sjá magnað myndefni frá gossvæðinu.

Fréttatíminn hefst á slaginu tólf og verður í beinni útsendingu á Stöð 2, Vísi og Bylgjunni.