Fótbolti

Svaraði fyrir erfiðan lands­leik og lagði upp mark í sætum sigri

Ingvi Þór Sæmundsson skrifar
Sædís Rún Heiðarsdóttir og stöllur hennar í Vålerenga eru með fullt hús stiga á toppi norsku úrvalsdeildarinnar.
Sædís Rún Heiðarsdóttir og stöllur hennar í Vålerenga eru með fullt hús stiga á toppi norsku úrvalsdeildarinnar. getty/David Lidstrom

Sædís Rún Heiðarsdóttir lagði upp annað mark Vålerenga þegar liðið sigraði Lyn, 3-2, í norsku úrvalsdeildinni í fótbolta í dag.

Sædís var tekin af velli í fyrri hálfleik í landsleik Íslands og Sviss á þriðjudaginn en virtist vera búin að hrista það af sér í dag.

Á 61. mínútu lagði hún upp mark fyrir Olaug Tvedten sem kom Vålerenga í 2-0. Lyn jafnaði en Karina Saevik skoraði sigurmark Vålerenga á lokamínútunni.

Vålerenga hefur unnið alla þrjá leiki sína í norsku úrvalsdeildinni með markatölunni 10-2.

Sædís kom til liðsins fyrir síðasta tímabil og varð tvöfaldur meistari með því í fyrra.

Norski boltinn

Mest lesið


Fleiri fréttir

Sjá meira


×

Mest lesið