Enginn labbaði meira en verðandi leik­maður Man United

Hinn 26 ára gamli Cunha átti virkilega flott tímabil með Úlfunum. Í 33 deildarleikjum skoraði hann 15 mörk og gaf sex stoðsendingar. Þá er hann sagður smellpassa í 3-4-2-1 leikkerfið sem Ruben Amorim spilar. Portúgalinn fór beint í það leikkerfi þegar hann tók við þó hópurinn sem hann hefði úr að velja væri ekki beint hannaður með það leikkerfi í huga.

Amorim leggur líka mikið upp úr því að lið hans geti pressað andstæðinginn hátt en slíkur leikstíll hefur ekki hentað mörgum leikmönnum liðsins undanfarin ár. Þó Cunha sé talinn líkamlega sterkur, góður í loftinu sem og á boltanum þá virðist hann ekki vera mikill vinnuhestur. Raunar langt frá því.

Þegar skoðað er hvaða leikmenn deildarinnar eyddum mestu tíma labbandi á síðustu leiktíð kemur í ljós að Cunha er þar efstur á blaði. Alls rölti hann 77,1 prósent af spiltíma sínum. Það sem gerir tölfræðina enn verri fyrir Brasilíumanninn er að þeir þrír leikmenn sem koma þar á eftir eru allir miðverðir að upplagi.

Hvort Amorim fái Cunha til að labba minna og hlaupa meira verður að koma í ljós.