Sparta heldur Nökkva Þey en missir Kristian Nökkva

Sparta Rotterdam hefur gengið frá kaupum á honum frá bandaríska félaginu St. Louis City en félagið nýtti sér kauprétt í lánssamningum.

Nökkvi hefur um leið skrifað undir samning til ársins 2028. Kaupverðið var ekki gefið upp að svo stöddu.

Nökkvi er 25 ára framherji sem skoraði tvö mörk í tólf deildarleikjum með liðinu á nýloknu tímabili. Hann spilaði þó samtals bara í 127 mínútur samanlagt í leikjunum og skoraði bæði mörkin eftir að hafa komið inn á sem varamaður.

Íslenski leikmaðurinn Kristian Nökkvi Hlynsson var líka á láni hjá Sparta frá Ajax en hann hefur nú farið aftur til Ajax.

„Lánssamningur Nökkva síðustu sex mánuði hefur verið góður fyrir bæði okkur og hann. Eftir samtal við hann kom strax í ljós að honum líkar vel hjá Sparta og að við vildum vinna áfram saman á næstu árum,“ sagði Gerard Nijkamp, yfirmaður knattsyrnumála hjá félaginu.