Hefndi sín í til­efni af feðradeginum

Justin var harðlega gagnrýndur fyrir færslu sem hann sendi frá sér á mæðradaginn 11. maí síðastliðinn þar sem hann sagði að dagurinn væri algjörlega glataður. Þar skrifaði hann í fremur lélegri þýðingu:

„Elska ykkur mæður en mæðradagurinn sýgur rass“ eða „Love you mothers but mothersday sucks ass“. Athugasemdakerfið logaði þar sem mörgum þótti hann vanvirða eiginkonu sína Hailey Bieber en saman eiga þau soninn Jack. Í gær birti Justin svo mynd af sjálfum sér og miðjuputtann þar sem hann skrifar að hann sé faðir sem ekki megi „fokka“ í. 

Hailey Bieber gerði sér lítið fyrir og skrifaði „Father's Day sucks ass“. 

Athugasemdin hefur fengið yfir fimm þúsund „like“ og fólk er annað hvort yfir sig hrifið af þessu eða alls ekki. Einn skrifaði til dæmis að hann hefði sérstaklega skoðað færsluna til þess að geta sett hjarta við þessa athugasemd hjá Hailey. 

Kannski er þetta allt gert á léttum nótum í gríni hjá Bieber hjónunum en það má þó setja spurningarmerki við líðan Justins þegar Instagrammið hans er skoðað. Í gær birti hann sömuleiðis mynd af jónu og aðra færslu þar sem hann birtir skjáskot af samtali við vin sem hann er að rífast við.