Íslenski boltinn

Jón Þór hættur hjá ÍA

Sindri Sverrisson skrifar
Eftir frábæra leiktíð í fyrra skilur Jón Þór Hauksson við Skagamenn á botni Bestu deildarinnar.
Eftir frábæra leiktíð í fyrra skilur Jón Þór Hauksson við Skagamenn á botni Bestu deildarinnar. Vísir/Diego

Jón Þór Hauksson hefur látið af störfum sem þjálfari ÍA í fótbolta karla. Í tilkynningu frá Skagamönnum segir að ákvörðunin hafi verið tekin í samráði milli Jóns Þórs og stjórnar félagsins.

Jón Þór, sem er mikill Skagamaður, tók við þjálfun ÍA þann 1. febrúar 2022. Liðið náði afar góðum árangri á síðustu leiktíð og endaði í 5. sæti en er núna á botni Bestu deildarinnar.

Í tilkynningu segir að bæði Jón Þór og stjórn félagsins séuu sammála um að nú sé rétt að gera breytingar, með hagsmuni liðsins og framtíðaruppbyggingu að leiðarljósi.

„Ég vil þakka Knattspyrnufélagi ÍA fyrir samstarfið síðustu ár. Það hefur verið mér bæði lærdómsríkt og ánægjulegt að starfa með leikmönnum og starfsfólki félagsins. Ég óska liðinu og öllum sem að því koma góðs gengis í framtíðinni,“ segir Jón Þór í tilkynningu.

Stjórn KFÍA hefur hafið leit að arftaka Jóns Þórs.

Besta deild karla ÍA

Mest lesið


Fleiri fréttir

Sjá meira


×

Mest lesið