Katrín Halldóra er fjall­konan í ár

Mikil leynd hvílir á­valt yfir því hver mun fara með hlut­verk fjall­konunnar þar til hún gengur út úr Al­þingis­húsinu klædd skaut­búningnum.

Katrín flutti ávarp eftir Þórdísi Helgadóttur rithöfund og ljóðskáld. 

Skaut­búningurinn er í vörslu Ár­bæjar­safns og við hann er stokk­belti með víniðar­munstri úr silfri og brjóst­næla í stíl.

Fjall­konan er tákn Ís­lands en hún var fyrst nefnd í kvæði Bjarna Thoraren­sen, Eld­gamla Ísa­fold, sem var ort á fyrsta ára­tug 19. aldar.

Hug­myndin um konu sem tákn Ís­lands kom þó fram fyrr, í kvæði Eggerts Ólafs­sonar, Of­sjónir, frá árinu 1752.

Katrín hefur farið mikinn á fjölum Borgarleikhússins undanfarin ár. Hún fór með hlutverk Ellýjar Vilhjálms í leiksýningu um söngkonuna sem sýnd var frá 2017 til 2024 með hléum. Um þessar mundir fer hún með hlutverk í sýningunni Ladda í Borgarleikhúsinu.