Gareth Bale vill kaupa Cardiff

Síðastliðinn föstudag gerði fjárfestahópur sem Bale er hluti af, tilboð í Cardiff sem var hafnað. Bale var í viðtali við Sky Sports og svo virðist sem þeir muni gera annað tilboð.

„Við höfum áhuga á að kaupa Cardiff. Það er minn uppeldisklúbbur, þar sem ég ólst upp og frændi minn (Chris Pike) spilaði fyrir þá. Að vera meðeigandi i félaginu væri draumur að rætast,“ sagði Bale.

Cardiff er í þriðju efstu deild Englands eða League One, en ef Bale myndi eignast klúbbinn stefnir hann á Ensku Úrvalsdeildina.

„Þetta er félag sem er nærri mínu hjarta. Mér myndi þykja gríðarlega vænt um það að stækka Cardiff og koma þeim upp i Ensku Úrvalsdeildina þar sem þeir eiga heima.

Ég veit hversu frábærir velsku stuðningsmennirnir og Cardiff stuðningsmennirnir eru. Það væri frábært að reyna að gera eitthvað saman. Við erum í sambandi við Cardiff og það ætti að koma nánari fréttir í framtíðinni, en vonandi tekst okkur að koma þessu yfir línuna,“ sagði Bale.

Cardiff var í Ensku Úrvalsdeildinni síðast árið 2019, en hefur fallið niður deildirnar á síðustu árum.