Bretar eignast aftur her­þotur sem geta flutt kjarn­orku­vopn

Samkvæmt kjarnorkuvopnaáætlun Atlantshafsbandalagsins stendur til að herþotur bandalagsins í Evrópu verði vopnaðar bandarískum B61 kjarnorkusprengjum, og á nóg að vera til af þeim í Evrópu.

Sjö önnur lönd, þar á meðal Bandaríkin, Þýskaland og Ítalía, búa þegar yfir F-35A herþotum.

Samkvæmt reglum Atlantshafsbandalagsins þarf samþykki frá Bandaríkjaforseta, forsætisráðherra Bretlands og kjarnorkuvopnadeildar bandalagsins, áður en kjarnorkuvopnum er beitt.

Bretland mun kaupa tólf nýjar F-35A herþotur, sem eru ólíkar þeim F-35B þotum sem þeir eiga að því leytinu til að þær geta flutt kjarnorkuvopn milli staða og varpað þeim á skotmörk.

„Á þessum gríðarlegu óvissutímum í alþjóðamálum getum við ekki gert ráð fyrir varanlegum frið. Þess vegna erum við að fjárfesta í þjóðaröryggi okkar og tryggja her okkar þann búnað sem nauðsynlegur er. Breskt samfélag um allt land mun njóta góðs af þessu,“ sagði Keir Starmer.

Árið 1998 seldu herþotunni Tornado varanlega lagt, og hafa Bretar ekki búið yfir herþotu sem getur borið kjarnorkuvopn síðan.

„Nú hefur flugher Bretlands aftur hlutverki að gegna í kjarnorkuvopnaáætlun Breta, í fyrsta sinn síðan Bretland hætti með flughersáætlun kjarnorkuvopnadeildarinnar í kjölfar endaloka Kalda stríðsins,“ er það sem stóð í tilkynningu frá breska varnarmálaráðuneytinu.

BBC og Telegraph fjalla um málið.