Sveinn Aron skoraði í víta­keppninni þegar Sarps­borg fór í undanúr­slit

Leikur Rosenborg og Sarpsborg 08 endaði með jafntefli 1-1 eftir venjulegan leiktíma og 2-2 eftir framlengingu. Úrslitin réðust því í vítakeppni.

Sarpsborg 08 vann vítakeppnina 4-2 þar sem liðið nýtti öll fjögur vítin sín en Rosenborg klikkaði á fyrstu tveimur vítum sínum í vítakeppninni.

Sveinn Aron Guðjohnsen tók annað víti Sarpsborg í  og skoraði úr því. Hann kom þá liðinu í 2-0 í vítakeppninni.

Sveinn hafði komið inn á sem varamaður í uppbótatíma leiksins í stöðunni 1-0 fyrir Sarpsborg en Rosenborg tókst að tryggja sér framlengingu með marki á fimmtu mínútu uppbótatímans.

Rosenborg komst síðan í 2-1 í framlengingunni en Sarpsborg jafnaði aðeins fjórum mínútum síðar.

Ísak Snær Þorvaldsson sat allan tímann á bekknum hjá Rosenborg.

Tvö Íslendingalið eru komin í undanúrslitin, Sarpsborg 08 og svo líka Viking þar sem Hilmar Rafn Mikaelsson spilar.