Nýju til­boði í Háholt svarað með gagntilboði

Ákveðið var á fundi ráðsins þann 16. apríl síðastliðinn að fela sveitarstjóra Skagafjarðar að auglýsa Háholt til sölu á ný eftir að kaupanda að eigninni tókst ekki að sýna fram á fjármögnun fyrir tilskilinn frest.

Háholt var áður meðferðarheimili en því var lokað árið 2017 þar sem ekki þóttu forsendur fyrir endurnýjun rekstrarsamnings heimilisins. 

Jón Gnarr, þingmaður Viðreisnar og borgarstjóri Reykjavíkur, hafði hvatt barnamálaráðherra til að skoða það í alvöru að opna aftur meðferðarheimili að Háholti. Sagði hann skrýtið að nýta ekki húsnæðið á meðan málaflokkurinn væri á jafn slæmum stað og raun ber vitni.

„Fólk setti fyrir sig að það væri of langt í burtu, sem eru rök sem ég fellst ekki á. Þegar við erum farin að tala um að ákveðnir landshlutar á Íslandi séu of langt í burtu, finnst mér við vera komin á mjög hálan ís. Ég fagna því að húsið sé komið aftur á sölu og að við getum farið að skoða þetta aftur, kannski af alvöru núna,“ sagði Jón í apríl síðastliðnum.