Maðurinn sem fann upp mew-ið er látinn Magnús Jochum Pálsson skrifar 2. júlí 2025 11:28 John Mew bardúsaði ýmislegt á lífsleið sinni, tannleiðréttingar, mew, mótorhjólakappakstur og kastalabyggingu. Tannréttingarlæknirinn John Mew, sem taldi að hægt væri að stýra vexti kjálka með andlitsæfingum sem kallast að mew-a, er látinn 96 ára að aldri. Mew var umdeildur meðal kollega sinna en aðferðir hans náðu vinsældum á samfélagsmiðlum upp úr 2019. Greint er frá andliti Mew á heimasíðu IAFGG (Orthotropics), alþjóðlegra samtaka um stýringu andlitsvaxtar sem Mew stofnaði. Mew hafi látist friðsællega á heimili sínu. Mew fæddist árið 1928 í Kent, lærði tannlækningar í University College í Lundúnum og kjálkaskurðlækningar við Queen Victoria-spítala í East Grinstead. Vexti andlitsins stýrt með mew-i Mew var brautryðjandi í tannleiðréttingaraðferð sem hann kallaði orthotropics. Aðferðin byggðist á því að stýra andlitsvexti sjúklings með því að láta hann nota góm, breyta mataræði sínu og leggja tungu sína upp að efri góm, sem gerir að verkum að kjálkinn verður meira áberandi, sem hefur verið kallað að mew-a. John Mew keppti í formúluakstri um tíu ára bil á sjötta og sjöunda áratug síðustu aldar. Mew taldi gen ekki valda því að fólk var með skakkar tennur heldur væru það umhverfisaðstæður. Hann taldi sömuleiðis að tannleiðréttingar á borð við spangir ekki leysa undirliggjandi ástæður skekkjunnar og því jafnvel valda andliti viðkomandi skaða. Tannleiðréttingarlæknasamfélagið tók ekki vel í kenningar og aðferðir Mew. Tannlæknaráðið GDC (General Dental Council), stofnun sem vaktar störf breskra tannlækna, áminnti Mew fyrir auglýsingar sem innihéldu villandi upplýsingar. Stofnunin hélt því fram að Mew græfi undan tannleiðréttingum og hefði logið til um hve viðurkenndar aðferðir hans væru. Mew vann með orthotropics-aðferð sína í meira en þrjátíu ár og stofnaði samtökin IAFGG í kringum hana. Michael Mew, sonur Johns, hefur viðhaldið orthotropics-aðferðinni en var árið 2019 rekinn úr Félagi breskra tannleiðréttingarlækna (BOS). Þrátt fyrir vinsældir mew-sins hafa engar rannsóknir sýnt fram á að aðferðir Mew virki. Mew-ið fer á flug Helsta einkenni aðferðafræði Mew er munnþjálfun sem kallast að mew-a. Sjálfur sagði Mew að hún byggðist fyrst og fremst á því að „standa uppréttur og halda kjafti“ en mew-ið felst í að þrýsta tungunni upp í efri góm. @jawhacks Replying to @lilwallywalrus #mewing #howtomew ♬ original sound - jawhacks Mew-ið varð frægt á samfélagmiðlum meðal áhrifavalda og netverja árið 2019. Í kjölfarið tók gula pressan að fjalla um mew-ið og Mew-feðgarnir fóru meira að segja í breska sjónvarpið til að bera út boðskap mew-sins. Samfélagsmiðlar á borð við Reddit og TikTok áttu stóran þátt í að dreifa vinsældum mew-sins. Æðið náði meira að segja til Íslands þó það hefði verið mun seinna en annars staðar. Tannlæknirinn Hrönn Róbertsdóttir ræddi við Bylgjuna um mew-ið í fyrra en hlusta má á viðtalið hér að neðan. Kastali og kappakstur Mew var meira til lista lagt en það að mew-a. Frá 1957 til 1967 keppti Mew í mótorhjólakappakstri, fyrst í Formúlu 3 og síðan í Formúlu 1. Hann var árið 1958 valinn í breska landsliðið fyrir keppni í Ameríkubikarnum en gat hins vegar ekki tekið þátt. Þá braut Mew brautarmetið í Brands Hatch tvívegis árið 1963 og bætti þar met tveggja fyrrum heimsmeistara. Mew byggði sér stóran kastala með síki í Sussex á árunum 1993 til 2001 og bjó síðan þar til æviloka. Kastalinn var sýndur í sjónvarpsþættinum Britain's Best Home. Braylsham-kastali sem Mew byggði árið 2001. Andlát Bretland Tannheilsa TikTok Mest lesið Stöðugleiki norðlægrar hringrásar skammgóður vermir fyrir Ísland Innlent Kröfur kvennaárs komnar í innheimtu og gjalddaginn fallinn Innlent Leggur viðskiptaþvinganir á rússneska olíurisa Erlent Segir tilvalin íbúðasvæði opnast með Sundabraut Innlent Næstum öllum sagt upp hjá dótturfélagi Play Innlent Niðurrif hafið á gamla Morgunblaðshúsinu Innlent „Ég skoðanakúgaði sjálfa mig í þágu friðar og þæginda félagslega“ Innlent Mikill hiti í síðustu kappræðunum fyrir kosningar Erlent Fasteignamarkaðurinn „kaupendamarkaður“ að mati fasteignasala Viðskipti innlent Klukkustunda bið eftir dekkjaskiptum í vetrarparadísinni Veður Fleiri fréttir Mikill hiti í síðustu kappræðunum fyrir kosningar Leggur viðskiptaþvinganir á rússneska olíurisa Hafa drepið 34 í árásum á meinta smyglara Myndavélar sneru í ranga átt er gripunum var stolið Rannsaka jákvæð áhrif covid-bóluefnis á krabbameinssjúklinga Gerðu árás á leikskóla í Karkív Hegseth bannar nú samskipti við þingið Trump gæti veitt sjálfum sér tugi milljarða í bætur frá eigin stjórn Vísindamenn segja mikilvægt að vanda valið á þunglyndislyfjum Sextíu og þrír látnir eftir umferðarslys í Úganda Gerðu árás á rússneska efnaverksmiðju í Bryansk Óttast að senda hermenn til Gasa Rífa hluta Hvíta hússins fyrir veislusal Trumps Ólíklegt að Trump og Pútín muni funda í bráð Serbneskur stríðsglæpamaður farinn yfir móðuna miklu 21 árs fangelsi fyrir banatilræðið gegn Fico Gagnrýndur fyrir ummæli um ógn af hálfu innflytjenda Refsidómi Diddy verði áfrýjað Fyrsta konan til að verða forsætisráðherra Japans Selja neyðargetnaðarvörn sem lausasölulyf í fyrsta skipti Opnar á að útvista loftslagsmarkmiðum Evrópu enn frekar Neitar enn að hleypa nýrri þingkonu að Enginn arftaki í augsýn hjá Xi Hafna aftur tillögu Trumps Frekari uppljóstranir vekja reiði og áköll um viðbrögð Fá heimild til að skjóta niður dróna yfir herstöðvum Tuttugu ára stjórn sósíalista í Bólivíu á enda Trump sagður hafa þrýst á Selenskí að gefa eftir land Segir vopnahlé enn í gildi á Gasa Komust á brott með átta ómetanlega skartgripi Sjá meira
Greint er frá andliti Mew á heimasíðu IAFGG (Orthotropics), alþjóðlegra samtaka um stýringu andlitsvaxtar sem Mew stofnaði. Mew hafi látist friðsællega á heimili sínu. Mew fæddist árið 1928 í Kent, lærði tannlækningar í University College í Lundúnum og kjálkaskurðlækningar við Queen Victoria-spítala í East Grinstead. Vexti andlitsins stýrt með mew-i Mew var brautryðjandi í tannleiðréttingaraðferð sem hann kallaði orthotropics. Aðferðin byggðist á því að stýra andlitsvexti sjúklings með því að láta hann nota góm, breyta mataræði sínu og leggja tungu sína upp að efri góm, sem gerir að verkum að kjálkinn verður meira áberandi, sem hefur verið kallað að mew-a. John Mew keppti í formúluakstri um tíu ára bil á sjötta og sjöunda áratug síðustu aldar. Mew taldi gen ekki valda því að fólk var með skakkar tennur heldur væru það umhverfisaðstæður. Hann taldi sömuleiðis að tannleiðréttingar á borð við spangir ekki leysa undirliggjandi ástæður skekkjunnar og því jafnvel valda andliti viðkomandi skaða. Tannleiðréttingarlæknasamfélagið tók ekki vel í kenningar og aðferðir Mew. Tannlæknaráðið GDC (General Dental Council), stofnun sem vaktar störf breskra tannlækna, áminnti Mew fyrir auglýsingar sem innihéldu villandi upplýsingar. Stofnunin hélt því fram að Mew græfi undan tannleiðréttingum og hefði logið til um hve viðurkenndar aðferðir hans væru. Mew vann með orthotropics-aðferð sína í meira en þrjátíu ár og stofnaði samtökin IAFGG í kringum hana. Michael Mew, sonur Johns, hefur viðhaldið orthotropics-aðferðinni en var árið 2019 rekinn úr Félagi breskra tannleiðréttingarlækna (BOS). Þrátt fyrir vinsældir mew-sins hafa engar rannsóknir sýnt fram á að aðferðir Mew virki. Mew-ið fer á flug Helsta einkenni aðferðafræði Mew er munnþjálfun sem kallast að mew-a. Sjálfur sagði Mew að hún byggðist fyrst og fremst á því að „standa uppréttur og halda kjafti“ en mew-ið felst í að þrýsta tungunni upp í efri góm. @jawhacks Replying to @lilwallywalrus #mewing #howtomew ♬ original sound - jawhacks Mew-ið varð frægt á samfélagmiðlum meðal áhrifavalda og netverja árið 2019. Í kjölfarið tók gula pressan að fjalla um mew-ið og Mew-feðgarnir fóru meira að segja í breska sjónvarpið til að bera út boðskap mew-sins. Samfélagsmiðlar á borð við Reddit og TikTok áttu stóran þátt í að dreifa vinsældum mew-sins. Æðið náði meira að segja til Íslands þó það hefði verið mun seinna en annars staðar. Tannlæknirinn Hrönn Róbertsdóttir ræddi við Bylgjuna um mew-ið í fyrra en hlusta má á viðtalið hér að neðan. Kastali og kappakstur Mew var meira til lista lagt en það að mew-a. Frá 1957 til 1967 keppti Mew í mótorhjólakappakstri, fyrst í Formúlu 3 og síðan í Formúlu 1. Hann var árið 1958 valinn í breska landsliðið fyrir keppni í Ameríkubikarnum en gat hins vegar ekki tekið þátt. Þá braut Mew brautarmetið í Brands Hatch tvívegis árið 1963 og bætti þar met tveggja fyrrum heimsmeistara. Mew byggði sér stóran kastala með síki í Sussex á árunum 1993 til 2001 og bjó síðan þar til æviloka. Kastalinn var sýndur í sjónvarpsþættinum Britain's Best Home. Braylsham-kastali sem Mew byggði árið 2001.
Andlát Bretland Tannheilsa TikTok Mest lesið Stöðugleiki norðlægrar hringrásar skammgóður vermir fyrir Ísland Innlent Kröfur kvennaárs komnar í innheimtu og gjalddaginn fallinn Innlent Leggur viðskiptaþvinganir á rússneska olíurisa Erlent Segir tilvalin íbúðasvæði opnast með Sundabraut Innlent Næstum öllum sagt upp hjá dótturfélagi Play Innlent Niðurrif hafið á gamla Morgunblaðshúsinu Innlent „Ég skoðanakúgaði sjálfa mig í þágu friðar og þæginda félagslega“ Innlent Mikill hiti í síðustu kappræðunum fyrir kosningar Erlent Fasteignamarkaðurinn „kaupendamarkaður“ að mati fasteignasala Viðskipti innlent Klukkustunda bið eftir dekkjaskiptum í vetrarparadísinni Veður Fleiri fréttir Mikill hiti í síðustu kappræðunum fyrir kosningar Leggur viðskiptaþvinganir á rússneska olíurisa Hafa drepið 34 í árásum á meinta smyglara Myndavélar sneru í ranga átt er gripunum var stolið Rannsaka jákvæð áhrif covid-bóluefnis á krabbameinssjúklinga Gerðu árás á leikskóla í Karkív Hegseth bannar nú samskipti við þingið Trump gæti veitt sjálfum sér tugi milljarða í bætur frá eigin stjórn Vísindamenn segja mikilvægt að vanda valið á þunglyndislyfjum Sextíu og þrír látnir eftir umferðarslys í Úganda Gerðu árás á rússneska efnaverksmiðju í Bryansk Óttast að senda hermenn til Gasa Rífa hluta Hvíta hússins fyrir veislusal Trumps Ólíklegt að Trump og Pútín muni funda í bráð Serbneskur stríðsglæpamaður farinn yfir móðuna miklu 21 árs fangelsi fyrir banatilræðið gegn Fico Gagnrýndur fyrir ummæli um ógn af hálfu innflytjenda Refsidómi Diddy verði áfrýjað Fyrsta konan til að verða forsætisráðherra Japans Selja neyðargetnaðarvörn sem lausasölulyf í fyrsta skipti Opnar á að útvista loftslagsmarkmiðum Evrópu enn frekar Neitar enn að hleypa nýrri þingkonu að Enginn arftaki í augsýn hjá Xi Hafna aftur tillögu Trumps Frekari uppljóstranir vekja reiði og áköll um viðbrögð Fá heimild til að skjóta niður dróna yfir herstöðvum Tuttugu ára stjórn sósíalista í Bólivíu á enda Trump sagður hafa þrýst á Selenskí að gefa eftir land Segir vopnahlé enn í gildi á Gasa Komust á brott með átta ómetanlega skartgripi Sjá meira