United gerir til­boð í Mbeumo í þriðja sinn

United hefur verið að eltast við leikmanninn í allt sumar eða því sem næst og er þetta þriðja tilboðið sem liðið leggur fram en upprunalega bauð United 45 milljónir staðgreitt og tíu milljónir enn í árangurstengdar greiðslur.

Nýjasta tilboð hljóðar upp á 65 milljónir út í hönd og fimm milljónir í árangurstengdar/aðrar greiðslur eða 70 milljónir punda alls. Ef tilboðið verður samþykkt þarf United svo að semja við leikmanninn um laun en talið er að hann vilji fimmfalda launin sín, úr 50 þúsund pundum á viku í 250 þúsund, sem myndi gera hann að einum launahæsta leikmanni United.

Sá tími sem það hefur tekið United að klára þessi kaup er orðið að hálfgerðum farsa og hafa skot flogið úr ýmsum áttum eins og til dæmis frá Domino's.