Gosmóðan heldur á­fram

Eldgosið á Sundhnúksgígaröðinni hefur verið nokkuð stöðugt í nótt og frá því í gærmorgun. Gosórói er stöðugur og enn gýs úr 2-3 gígum fyrir miðbik þeirrar gossprungu sem myndaðist 16. júlí, að því er fram kemur í tilkynningu frá Veðurstofu Íslands.

Gosmóða hefur myndast við kjöraðstæður, hægan vind, raka og sólskin undanfarna daga og hennar hefur orðið vart víða um land, einkum á vestur og norðurhluta landsins, og á höfuðborgarsvæðinu. 

Í tilkynningunni segir að áfram verði hægur vindur um helgina og því megi gera ráð fyrir áframhaldandi gosmóðu. 

Hún kemur fram sem fínt svifryk á loftgæðamælum sem hægt er að fylgjast með á mælum Umhverfis- og Orkustofnunar á loftgaedi.is, en þar er einnig að finna viðmið fyrir gildi vegna gosmóðu og viðbrögð við þeim.

Á mælum á Akureyri og Ísafirði mælast loftgæði slæm vegna fíns svifryks.