Mikil­vægur sigur Völsunga

Hinn tvítugi Jakob Héðinn Róbertsson skoraði þrennu í leiknum í dag og er orðinn langmarkahæsti leikmaður Völsung í deildinni með átta mörk og raunar farinn að blanda sér í baráttuna um gullskóinn í deildinni þar sem hann er þriðji markahæstur.

Jakob kom heimamönnum í 2-0 í fyrri hálfleik en gestirnir spiluðu megnið af seinni hálfleik manni færri eftir að Alfredo Ivan Arguello Sanabria fékk sitt annað gula spjald og þar með rautt.

Jakob fullkomnaði þrennuna á 81. mínútu og Ismael Salmi Yagoub gekk svo endanlega frá leiknum tveimur mínútum síðar.

Sigurinn fleytir Völsungi í 17 stig sem þýðir að liðið er efst í þéttum pakka í neðri hluta deildarinnar, fimm stigum á eftir Keflavík sem situr í 6. sæti með 22 stig.

Grindavík, Selfoss og Fylkir koma svo í þéttum pakka á eftir Húsvíkingum með 14, 13 og 11 stig en þar rétt fyrir aftan sitja Fjölnir og Leiknir í fallsætum með tíu stig hvort.