Jóhann Berg og Hólm­fríður selja glæsihöllina á Arnar­nesi

Hjónin festu kaup á húsinu í desember 2020 og greiddu þá 237 milljónir króna.

Um er að ræða 334 fermetra hús á tveimur hæðum sem var byggt árið 1973.  Árið 2006 fór fram mikil endurnýjun á húsinu og þá var byggð 23,8 fermetra staðsteypt viðbygging er ekki skráð í heildarfermetratölu.

Efri hæðin er opin og björt með samliggjandi eldhúsi og borðstofu. Úr borðstofunni er gengið upp í stóra stofu með fallegum gasarini sem einnig opinn inn í borðstofuna. Útgengt er úr stofurýminu á rúmgóðar, flísalagðar svalir. Á hæðinni er einnig glæsileg hjónasvíta með fataherbergi, baðherbergi og sjónvarpsherbergi.

Úr holinu liggur hringstigi niður á neðri hæðina, þar sem eru svefnherbergi, baðherbergi, geymsla, bar, tómstundaherbergi og þvottahús. Útgengt er í stóran garð með heitum potti og verönd.

Í húsinu eru samtals fjögur svefnherbergi og þrjú baðherbergi.

Nánari upplýsingar um eignina má nálgast á fasteignavef Vísis.