Erlent

Fara fram á dauða­refsingu yfir Robinson

Jón Ísak Ragnarsson skrifar
Fangamyndir af Tyler Robinson sem birtar hafa verið í Bandaríkjunum.
Fangamyndir af Tyler Robinson sem birtar hafa verið í Bandaríkjunum.

Ríkissaksóknari í Utah hefur farið fram á dauðarefsingu yfir Tyler Robinson sem grunaður er um að hafa banað Charlie Kirk í síðustu viku. Hann hefur verið ákærður í sjö ákæruliðum.

Jeff Gray ríkissaksóknari í Utah greindi frá ákærunni á blaðamannafundi í dag þar sem hann sagði morðið á Kirk bandarískan harmleik.

Fyrsti liður ákærunnar er fyrir morð af ásettu ráði, fyrir að hafa viljandi banað Charlie Kirk.

Liður tvö er fyrir að hafa hleypt af skotvopni með ólöglegum hætti, en Robinson er talinn hafa drepið Kirk vegna skoðana hans. Þá hafi börn einnig verið viðstödd og orðið vitni að morðinu.

Fréttin verður uppfærð

Morðið á Charlie Kirk Bandaríkin Erlend sakamál Skotvopn

Mest lesið


Fleiri fréttir

Sjá meira


×

Mest lesið