Sport

Ís­land aldrei sent jafn fjöl­mennt lið á HM í utanvegahlaupum

Ingvi Þór Sæmundsson skrifar
Andrea Kolbeinsdóttir er einn fremsti langhlaupari landsins.
Andrea Kolbeinsdóttir er einn fremsti langhlaupari landsins. Vísir/Bjarni

Heimsmeistaramótið í utanvegahlaupum fer fram á Canfranc-Pirineos á Spáni 25.-28. september. Tólf keppa fyrir Íslands hönd á HM og hafa aldrei verið fleiri.

Ísland sendir sex karla og sex konur til leiks á HM og taka þau þátt í tveimur vegalengdum; 45 kílómetra og 82 kílómetra. 

Keppni í 45 kílómetra hlaupi fer fram 26. september og keppni í 82 kílómetra hlaupi daginn eftir.

Þorbergur Ingi Jónsson, Sigurjón Ernir Sturluson, Andrea Kolbeinsdóttir, Guðfinna Björnsdóttir og Elísa Kristinsdóttir keppa í 82 kílómetra hlaupinu á HM.

Í 45 kílómetra hlaupinu keppa Þorsteinn Roy Jóhannsson, Grétar Örn Guðmundsson, Halldór Hermann Jónsson, Stefán Pálsson, Anna Berglind Pálmadóttir, Elín Edda Sigurðardóttir og Íris Anna Skúladóttir.

Hlaup

Tengdar fréttir

Mest lesið


Fleiri fréttir

Sjá meira


×

Mest lesið