Ungir „gúnar“ í essinu sínu

Dóra Júlía Agnarsdóttir skrifar 11. nóvember 2025 12:03

Það var mikið fjör í 66 Norður á laugardag. SAMSETT

Það var líf og fjör hjá ungmennum landsins á laugardag í miðbænum þegar 66 Norður afhjúpaði nýjustu samstarfslínu sína við töffarana hjá Reykjavík Roses. Ásamt unglingunum voru ofurhjónin Nína Dögg og Gísli Örn meðal gesta og kynfræðingurinn Sigga Dögg lét sig heldur ekki vanta. Löng röð myndaðist við Hafnartorg fyrir opnun og stemningin var góð.

Í fréttatilkynningu segir:

„Síðastliðinn laugardag afhjúpaði 66°Norður aðra samstarfslínu sína með Reykjavik Roses. Samstarfið vakti mikla spennu og dró að sér fjölda gesta, þar sem löng röð myndaðist við Hafnartorg fyrir opnun.

DJ Bjarki Vattness hélt uppi stemmingunni en línan er blanda af menningu Reykjavík Roses og arfleifð 66°Norður. Flíkurnar eru allar framleiddar í verksmiðjum 66°Norður.“

Hinir svokölluðu gúnar (e. goons) voru heldur betur sáttir með þessa línu, biðu rólegir í línu og nutu sín í botn.

Gúns er tökuorð sem hefur notið mikilla vinsælda hjá ungmennum landsins og nær utan um unglingspilta sem eru gjarnan með buxurnar á hælunum, rokka húfur og sólgleraugu inni og fleira í þeim dúr.

Hér má sjá myndir frá gleðinni: