Lengsta goshléið frá upp­hafi hrinunnar

Eldfjalla- og náttúruvárhópur Suðurlands vekur athygli á þessu í Facebookfærslu. Síðasta eldgos á Sundhnúksgígaröðinni hófst þann 16. júlí og lauk 5. ágúst. Áður hafði gosið í einn dag þann 1. apríl eftir 115 daga goshlé.

Veðurstofan greindi frá því fyrir viku síðan að landris og kvikusöfnun haldi enn áfram undir Svartsengi. Í byrjun október gerðu líkanreikningar ráð fyrir að ellefu milljón rúmmetrar af kviku hefðu safnast undir Svartsengi frá síðasta gosi, en í því gosi hlupu á bilinu ellefu og þrettán milljón rúmmetrar úr Svartsengi. Síðan í október hafa líkur á kvikuhlaupi og gosi verið auknar.

„Þessa stundina er í raun beðið eftir tíunda gosinu,“ segir í færslu hópsins, sem bendir á að kvikumagn undir Svartsengi væri nú á bilinu sextán og sautján milljón rúmmetrar.