Fyrsta skref Guð­bjargar að taka sér frí

Sigurjón, sem hefur fylgt Ingu eins og skugginn, fylgir henni úr félags- og húsnæðismálaráðuneytinu en Ágúst Ólafur var fyrir í ráðuneytinu en hann aðstoðaði Guðmund Inga Kristinsson sem sagði af sér ráðherradómi.Guðbjörg Ingunn fer í frí

Þetta þýðir að Guðbjörg Ingunn Magnúsdóttir, sem var aðstoðarmaður Ásthildar Lóu Þórsdóttur, þá er hún var um skamma hríð mennta- og barnamálaráðherra, og fylgdi svo ráðuneytinu sem aðstoðarmaður Guðmundar Inga þegar hann tók við, er í lausu lofti.

Guðbjörg Ingunn segist ekki vita hvað taki nú við.

„Ég hef ekki tekið ákvörðun um hvað ég fer að gera. Þetta hefur gerst allt svo hratt og ég ætla bara að byrja á smá fríi,“ segir hún í stuttu samtali við Vísi.

Hreiðar Ingi heldur áfram í ráðuneytinu

Síðustu ár hefur Guðbjörg, sem er eiginkona Ragnars Þórs Ingólfssonar sem er nýr félagsmálaráðherra, starfað í Suðurmiðstöð Reykjavíkur sem íþrótta- og samskiptatengill og sem verkefnastjóri Velkominn í hverfið, sem hefur það að markmiði að styðja sérstaklega við börn og fjölskyldur af erlendum uppruna.

Guðbjörg var ráðin í stöðu sérfræðings í mennta- og barnamálaráðuneytinu í byrjun árs, var svo ráðin aðstoðarmaður Ásthildar Lóu og þá Guðmundar Inga.

Hreiðar Ingi Eðvarðsson verður aðstoðarmaður Ragnars Þórs. Hreiðar Ingi var áður aðstoðarmaður Ingu í ráðuneytinu. Hann er lög­fræðing­ur að mennt og var áður fram­kvæmda­stjóri þing­flokks Flokks fólks­ins. Ragnar Þór er ekki búinn að taka ákvörðun um hver annar kemur þar að málum.