Sjáðu stur­lað mark Solan­ke og ótrú­legar loka­mínútur á Old Traf­ford

Tottenham kom til baka eftir að hafa lent tveimur mörkum undir og tókst að landa 2-2 jafntefli gegn Manchester City á heimavelli. Dominic Solanke skoraði þar án efa eitt af flottustu mörkum ársins en með jafnteflinu færist City fjær toppsætinu milli umferða.

Aston Villa, sem hefur einnig verið að reyna saxa á forskot Arsenal á toppnum, fór þá illa að ráði sínu gegn tíu leikmönnum Brentford sem sigldu heim 1-0 sigri.

Þá gerðu Nottingham Forest og Crystal Palace 1-1 jafntefli í Skírisskógi. Morgan Gibbs-White skoraði mark heimamanna en Ismaila Sarr tryggði Palace mönnum eitt stig með marki úr vítaspyrnu. 

Manchester United fagnaði þriðja sigrinum í röð undir stjórn Michael Carrick þegar Fulham kom í heimsókn á Old Trafford. Lokatölur 3-2 eftir mikla dramatík. Heimamenn misstu niður tveggja marka forystu en Benjamin Sesko skoraði sigurmarkið í uppbótartíma.