Skoraði nær helming marka ÍR í tapi gegn KA

KA-menn voru alltaf skrefinu á undan heimamönnum í leik kvöldsins og leiddu með fimm mörkum, 18-13 þegar að fyrri hálfleikur rann sitt skeið. 

Forystunni héldu gestirnir frá Akureyri allt til enda leiksins og sigldu að lokum heim sex marka sigri 37-31. 

Stórleikur Baldurs Fritz Bjarnasonar, sem skoraði fimmtán mörk í leik kvöldsins fyrir ÍR, dugði því skammt en þessi spennandi leikmaður að minna rækilega á sig. Baldur er á leið út í atvinnumennskuna í Svíþjóð eftir tímabilið þar sem hann hefur samið við lið Kristianstad. 

Hjá KA var það Bjarni Ófeigur Valdimarsson sem var markahæstur með sjö mörk en sigurinn sér til þess að KA lyftir sér upp fyrir ÍBV í 5.sæti deildarinnar. Þar er liðið með 20 stig eftir 16 leiki, stigi á eftir FH sem vermir fjórða sætið.