Sá elsti í sögunni reif sig úr að ofan

Benjamin Karl er einn sá besti í sviginu á snjóbretti af sinni kynslóð og hefur 58 sinnum komist á verðlaunapall á heimsmeistaramóti í 215 keppnum. Hann vann silfur og brons á ÓL 2010 og 2014, en gullverðlaunin höfðu lengi verið markmiðið.

Þau skiluðu sér loks árið 2022 og í dag vann Benjamin Karl aftur til gullverðlauna.

Hann fagnaði með því að rífa sig úr að ofan og leggjast í snjóinn, það tók þó smástund því Karl var í fjórum flíkum sem hann þurfti að fækka. 

Sigurinn var nokkuð óvæntur en ítölsku keppendurnir tveir, sem flestir bjuggust við að yrðu á verðlaunapalli, náðu ekki í efstu þrjú sætin. Suðurkóreumaðurinn Kim Sang-Kyum varnn silfur en Búlgarinn Tervel Zamfirov nældi sér í brons eftir mikla spennu.

Þar með varð Karl elsti snjóbrettamaður sögunnar til að vinna gullverðlaun, 40 ára og tæplega fjögurra mánaða, en hann hefur áður tilkynnt að þetta verða hans síðustu Vetrarólympíuleikar.

Svo gæti líka farið að hann verði síðasti gullverðlaunahafinn í greininni en það er til skoðunar að leggja niður risasvigið á snjóbrettum á næstu leikum.