Rúnar Ingi um bannið hans Veigars Páls: „Ég er bara niður­brotinn sem þjálfarinn hans“

„Þetta voru bara of mörg mistök“ sagði Rúnar Ingi Erlingsson eftir tapið í kvöld.

„Við erum með ákveðið varnarplan í gangi og mér fannst við tækla það vel í byrjun. Kristófer fær síðan tvær villur og Cedrick kemur inn á, það breytir og þá breytum við til og mér fannst það ganga ágætlega“

„Mér fannst við samt ekki alveg jafn sterkir þar og það vantaði uppá smá einbeitingu og svo kannski með seinni hálfleikinn þá erum við að gera of mörg mistök í því sem við viljum gera ákveðna hluti og ég held þeir hafi aldrei skorað á þeim hlut í öllum leiknum“

„Við förum út úr stöðum og opnum hlaupin þannig þeir komast í gegnum hindranirnar sínar í gegnum miðjuna og það býr til of margar körfur fyrir þá og þeir skora 93 stig og það er vesen“

„Svo er kannski smá skortur á sóknargæðum á köflum í leiknum. Það koma tveir til þrír kaflar í leiknum þar sem að við eigum bara mjög erfitt með að komast framhjá einhverjum leikmanni inni á vellinum og árásirnar eru gerðar kannski veiklulega“

„Svekkjandi að við náum ekki að vera grimmari andlega í dag“

Rætt hefur verið um mögulegar breytingar á leikmannahópi Njarðvíkur og nafn David Okeke þar verið nefnt til sögunnar.

„Hann er ekki leikmaður Njarðvíkur eins og staðan er akkúrat núna og er ekki svo ég viti til á Íslandi“

„Við leyfum bara Mate [Dalmay] og einhverjum fleirum að vera spekúlera um hvað gerist í framtíðinni en að sjálfsögðu þá erum við að skoða hvernig er liðið okkar og þurfum við að gera einhverjar breytingar eða þarf ég bara að þjálfa liðið mitt betur“

„Ég væri bara frekar til í að fá þá spurningu frekar en að allir væru að pæla í hvaða erlendu leikmenn eiga alltaf að fara“

Veigar Páll Alexandersson var í dag dæmdur í árs bann eftir að hafa fallið á lyfjaprófi í upphafi sumars.

„Að sjálfsögðu er þetta högg fyrir okkur en það skiptir svo sem ekki öllu, þetta er miklu meira högg fyrir hann sjálfan“

„Ég tala við hann nokkrum sinnum í viku og ég styð hann heilshugar og peppa hann upp og allir í kringum klúbbinn halda vel utan um hann og við styðjum hann bara í að tækla þetta“

„Niðurstaðan er kominn og ég er meira bara niðurbrotinn sem þjálfarinn hans. Þetta er minn gaur og við erum búin að sjá hann vaxa síðustu tvö tímabil sem byrjunarliðsleikmaður og átti frábært tímabil og átti bara virkilega góð augnablik í úrslitakeppninni“

„Mér finnst bara rosalega sárt fyrir hans hönd að hann skuli ekki vera með okkur í vetur og bæta ennþá meira við og verða ennþá stærri stjarna í þessari deild en hann er bara gæji sem er búin að leggja inn vinnuna sem hann hefur áorkað til þessa og ég veit hann mun bara halda áfram að leggja inn þessa vinnu núna í þetta ár sem að hann þarf að tækla þetta utan vallar og kemur bara sterkari til leiks á næsta tímabili“ sagði Rúnar Ingi Erlingsson.