Mögu­legur framtíðarstjóri Manchester United missir starfið

Framtíð Ítalans var lengi vel í óvissu áður en aðilar komust að samkomulagi um að slíta samstarfinu. Marseille staðfestir brotthvarfið í yfirlýsingu.

„Þetta var erfið ákvörðun, tekin að vel ígrunduðu máli og í þágu hagsmuna félagsins, til að mæta þeim íþróttalegu áskorunum sem fram undan eru þar til keppnistímabilinu lýkur,“ skrifar félagið í yfirlýsingu sinni.

Starfmissir De Zerbi varð að veruleika eftir 0-5 tap um helgina á útivelli gegn ríkjandi meisturum Paris Saint-Germain.

Marseille er um þessar mundir í fjórða sæti frönsku deildarinnar og féll nýlega naumlega úr leik eftir riðlakeppni Meistaradeildarinnar. Liðið hefur aðeins unnið fjóra af síðustu tíu leikjum sínum í ýmsum keppnum.

Á Englandi er De Zerbi ofarlega á mörgum listum yfir mögulega stjóra Manchester United frá og með næsta tímabili. Hinn 46 ára gamli skildi eftir sig góðan orðstír í ensku úrvalsdeildinni eftir tvö ár hjá Brighton.