Elín Klara lék best allra á vellinum

Sävehof vann leikinn 36-27 eftir að hafa verið átta mörkum yfir í hálfleik, 19-11.

Elín Klara skoraði sjö mörk úr átta skotum og gaf þrjár stoðsendingar í leiknum. Hún var með hæstu tölfræðieinkunn allra á vellinum samkvæmt opinberri tölfræði deildarinnar.

Elín fékk 6,12 í framlagseinkunn fyrir leikinn í kvöld en enginn liðsfélagi hennar var með yfir fimm.

Berta Rut Harðardóttir skoraði fjögur mörk úr fimm skotum fyrir Kristianstad.

Þetta var þriðji deildarsigur Sävehof í röð og liðið er með fimm stiga forskot á toppnum. Kristianstad er í níunda sæti og utan úrslitakepponi eins og staðan er núna.