Val­geir var tekinn af velli eftir að­eins tuttugu mínútna leik

Valgeir settist niður í grasið eftir rúmlega sextán mínútna leik og bað um aðstoð frá sjúkrateyminu.

Hann hélt um vinstra lærið og það leit út fyrir að hann hefði tognað aftan í læri.

Það var ekkert annað í stöðunni en að skipta íslenska bakverðinum af velli.

Florent Muslija kom loksins inn á fyrir Valgeir á tuttugustu mínútu leiksins.

Düsseldorf er 1-0 yfir í hálfleik eftir mark frá Cedric Itten á lokamínútu hálfleiksins.

Valgeir er nýkominn til baka eftir að hafa verið að glíma við meiðsli á þessu tímabili.

Hann missti úr tólf deildarleiki frá byrjun október fram í lok janúar en hafði komið við sögu í síðustu fjórum deildarleikjum Düsseldorf.