Sjáðu mörkin: Sam­herji Há­konar al­gjör klaufi og mikið drama í lokin

Hákon varð að sækja boltann þrívegis í netið en það kom ekki að sök því Brentford vann Burnley, 4-3.

Hann hugsar liðsfélaga sínum, Ítalanum Michael Kayode, eflaust þegjandi þörfina því Kayode setti boltann tvívegis framhjá Hákoni og í eigið mark.

Hákon gat sömuleiðis lítið gert við þriðja marki Burnley þegar Zian Flemming skoraði með skalla.

Í uppbótartíma var mikil dramatík því fyrst náði Mikkel Damsgaard að koma Brentford í 4-3 og svo virtist Ashley Barnes hafa jafnað metin en markið var að lokum dæmt af, eins og reyndar annað mark frá Flemming á 81. mínútu.

Hákon stóð í marki Brentford í fjarveru Caoimhin Kelleher sem var að verða pabbi.