Hildur fer frá Hörpu til KPMG

Frá þessu er greint í tilkynningu frá KPMG, en þar segir að hún muni leiða markaðs- og kynningarmál félagsins, taka þátt í stefnumótun og innleiðingu og styðja við þróun þjónustu KPMG fyrir viðskiptavini. 

Hún muni einnig taka þátt í alþjóðlegu samstarfi markaðsleiðtoga innan KPMG.

Hildur kemur til KPMG frá Hörpu tónlistar- og ráðstefnuhúsi þar sem hún stýrði markaðsstarfi síðustu fjögur ár. Áður starfaði hún í 14 ár hjá Arion banka.  Hildur er með BS gráðu í ferðamálafræði og BA í spænsku og starfaði um árabil í ferðaþjónustu erlendis.