Ingi­björg fagnaði mikil­vægum sigri

Leikurinn var frekar tíðindalítill þangað til alveg undir lokin. Freiburg var með 1-0 forystu og fékk vítaspyrnu. Nicola Ojukwu steig á punktinn og skoraði sitt annað mark í leiknum.

Aðeins mínútu síðar minnkaði Laura Miller muninn fyrir gestina og Nurnberg sótti stíft fram að leikslokum í leit að jöfnunarmarki, en fleiri mörk voru ekki skoruð. 2-1 varð niðurstaðan og Freiburg komst aftur á sigurbraut.

Freiburg hafði ekki fagnað sigri í síðustu þremur leikjum og liðið hefur dregist aðeins aftur úr baráttunni um efstu þrjú sætin, sem gefa þátttökurétt í Meistaradeildinni.

Sex leikir eru eftir af tímabilinu og Freiburg er þremur stigum frá þriðja sætinu, en liðin fyrir ofan eiga leiki til góða.