Fylgdu eftir góðum sigri gegn Tottenham með öðrum sigri

Mark Molina kom snemma leiks, nánar tiltekið á áttundu mínútu leiksins og þó svo að gestirnir frá Getafe misstu mann af velli með rautt spjald snemma í seinni hálfleik tókst heimamönnum ekki að nýta sér það með því að bæta við fleiri mörkum.

Lokatölur 1-0 sigur Atletico Madrid, flott framhald á góðum sigri gegn Tottenham á heimavelli í fyrri leik liðanna í sextán liða úrslitum Meistaradeildar Evrópu fyrr í vikunni.

Sigurinn gerir það að verkum að Atletico Madrid er sem stendur í 3.sæti spænsku úrvalsdeildarinnar með 57 stig, sjö stigum á eftir nágrönnum sínum í Real Madrid sem verma annað sætið og eiga leik til góða.