Viðskipti innlent

Bein út­sending: Sitja fyrir svörum vegna vaxtahækkunar

Árni Sæberg skrifar
Ásgeir Jónsson seðlabankastjóri.
Ásgeir Jónsson seðlabankastjóri. Vísir/Vilhelm

Ásgeir Jónsson seðlabankastjóri og Þórarinn G. Pétursson varaseðlabankastjóri peningastefnu gera grein fyrir ákvörðun peningastefnunefndar um hækkun stýrivaxta og sitja fyrir svörum á blaðamannafundi, sem hefst klukkan 09:30 og verður í beinni hér á Vísi.

Peningastefnunefnd hefur ákveðið að hækka stýrivexti um 25 punkta og þeir fara því úr 7,25 prósentum í 7,5. Vextir höfðu fyrir það staðið í stað í 7,25 prósentunum síðan í nóvember síðastliðnum.

Tveir af fimm nefndarmönnum vildu hækka vexti enn meira og nefndin slær nokkuð harðan tón í framsýnni leiðsögn sinni.

„Nefndin er jafnframt tilbúin að herða taumhald peningastefnunnar enn frekar til þess að tryggja hjöðnun verðbólgu að markmiði þótt það gæti hægt enn frekar á efnahagsumsvifum. Mótun peningastefnunnar mun sem fyrr ráðast af þróun efnahagsumsvifa, verðbólgu og verðbólguvæntinga,“ segir í yfirlýsingunni.

Beina útsendingu frá blaðamannafundinum má sjá í spilaranum hér að neðan:

Seðlabankinn Verðlag Efnahagsmál Íslenska krónan


Mest lesið


Fleiri fréttir

Sjá meira


×

Mest lesið