Stálvirki nýrrar Ölfusárbrúar flutt úr Þor­láks­höfn á verkstað

Frá þessu er greint á vefsíðu Árborgar.

Þar segir að flutningar á stálvirki nýrrar Ölfusárbrúar feli í sér umfangsmikinn akstur stórra og þungra eininga frá Þorlákshöfn að verkstað. Gert sé ráð fyrir einni ferð á kvöldi en minni einingar verði fluttar yfir daginn.

Vegfarendur eru beðnir um a sýna sérstaka aðgát á umræddri leið á meðan flutningum stendur og virða merkingar og leiðbeiningar starfsmanna. 

Leiðin er þessi: 

Höfnin í Þorlákshöfn-Egilsbraut-Óseyrarbraut-Hafnarvegur (Þorlákshöfn)-Þorlákshafnarvegur-Eyrarbakkavegur-Óseyrarbrú-Eyrarbakkavegur-Hólastekkur-Suðurhólar-Gaulverjabæjarvegur-Verkstaður (innkeyrsla frá hringtorgi Gaulverjabæjarvegar / Hringvegar (1)).

Flutningarnir standa yfir frá klukkan 20 til miðnættis dagana 9. apríl og 13. til 15. apríl.

„Beðist er velvirðingar á þeim óþægindum sem flutningarnir kunna að valda. Almenningur er hvattur til að skipuleggja ferðir sínar með hliðsjón af framangreindu,“ segir á vefsíðu Árborgar.