Innlent

Gæsluvarðhaldskröfu yfir Írisi hafnað

Rafn Ágúst Ragnarsson skrifar
Íris Helga opnaði á sína hlið málanna í hlaðvarpi á vegum Brotkasts um árið.
Íris Helga opnaði á sína hlið málanna í hlaðvarpi á vegum Brotkasts um árið. Skjáskot

Dómari hafnaði kröfu um gæsluvarðhald yfir Írisi Helgu Jónatansdóttur, meintum eltihrelli, í Héraðsdómi Reykjaness í morgun. Farið var fram á fjögurra daga varðhald.

Þetta herma heimildir fréttastofu en fátítt er að kröfu um gæsluvarðhald sé hafnað á þessu stigi mála. Um fyrstu varðhaldskröfu var að ræða.

Í gær var greint frá því að birst hefði dánartilkynning Sölva Guðmundarsonar þrátt fyrir að hann væri svo sannarlega lifandi. Í færslu á samfélagsmiðlum sagði hann Írisi Helgu Jónatansdóttur bera ábyrgð á uppátækinu. Hann leitaði fyrst til lögreglu vegna hennar árið 2024 en sjö menn hafa kært hana fyrir umsáturseinelti.

Ekki hefur verið tekið ákvörðun um hvort úrskurðurinn verði kærður til Landsréttar samkvæmt tilkynningu frá Margréti Kristínu Pálsdóttur, lögreglustjóranum á Suðurnesjum.

Fréttin var uppfærð klukkan 10:44 í kjölfar tilkynningar.

Lögreglumál

Mest lesið


Fleiri fréttir

Sjá meira


×

Mest lesið