Missti stjórn á skapi sínu og réðst á mót­herja

Leikar stóðu 1-0 Huesca í vil í leik liðanna í spænsku B-deildinni þegar að upp úr sauð undir lok venjulegs leiktíma og téður Andrada kýldi Jorge Pulido, fyrirliða Huesca.

Skömmu áður hafði Andrada fengið að líta sitt annað gula spjald í leiknum fyrir að hafa ýtt Pulido. Eins og lýsingarnar hér að ofan gefa til kynna var Argentínski markvörðurinn ekki parsáttur með vendingarnar og missti stjórn á skapi sínu.

Í kjölfarið sauð upp úr á milli leikmanna beggja liða og fóru fleiri rauð spjöld á loft. Búist er við því að harðar sektir verði gefnar út í kjölfar þessa leiks af spænska knattspyrnusambandinu. 

Leiknum lauk með 1-0 sigri Huesca. Mikilvægur sigur í ljósi þess að bæði lið eru í harðri fallbaráttu.