Himneskt ei meir

Í tilkynningu á samfélagsmiðlum segir að Himneskt kveðji og er neytendum þökkuð samfylgdin síðustu nítján ár. Lífrænar vörur undir merkjum Himneskt hafa undanfarin ár verið seldar í Hagkaupum og í Bónus. Nýverið gerðu Hagar innkaupasamning við danska smásölufyrirtækið Salling Group.

„Verslanir Haga munu áfram bjóða upp á hágæða lífrænar vörur og í framhaldi kynnum við nýtt úrval frá Salling Øko, sem bætist nú með nýjum samningi við Salling group. Með þessum breytingum getum við nú boðið viðskiptavinum meira úrval af lífrænum vörum, betri gæði og lægra verð. Úrvalið mun aukast hratt á næstu mánuðum.“