Rússanum ó­vænt fleygt úr leik í fyrstu um­ferð

Rússinn situr í áttunda sæti heimslistans en hefur aldrei náð sér almennilega á strik á Roland Garros.

Hann hefur nú dottið út í fyrstu umferð í sjöunda sinn á ferlinum, með tapi gegn Ástralanum Adam Walton sem situr í 97. sæti heimslistans.

Þetta er aðeins fjórði sigurinn sem Walton vinnur á leirvelli á sínum ferli. Hann komst inn á mótið á boðsmiða.

Leikurinn þeirra á milli var spennandi en Walton og Medvedev skiptust á sigrum í settum. Lokaúrslit 6-2, 1-6, 6-1, 1-6, 6-4.

Ljóst er líka að leið Jannik Sinner að alslemmuni verður bara auðveldari og auðveldari. Medvedev hefur veitt honum hvað mesta samkeppni síðustu mánuði, í fjarveru Carlos Alcaraz vegna meiðsla, en færri standa nú í veginum fyrir Sinner.