Veður

Út­lit fyrir besta dag sumarsins á föstu­daginn

Rafn Ágúst Ragnarsson skrifar
Mannmergð er ekki ólíkleg í Nauthólsvík á föstudaginn.
Mannmergð er ekki ólíkleg í Nauthólsvík á föstudaginn. Vísir/Vilhelm

Það lítur út fyrir að besta veður sumarsins gæti leikið um höfuðborgarbúa á föstudaginn. Útlit er fyrir 20 stiga hita og veðurfræðingur segir það nokkuð pottþétt.

Haraldur Eiríksson, veðurfræðingur á Veðurstofu Íslands, segir að gangi spár eftir berist hingað til lands hlýtt loft úr austri og norðaustri og að síðdegis á föstudaginn gæti hitinn náð 20 stigum í Reykjavík og annars staðar á suðvesturhorninu og á Vesturlandi.

„Þetta virðist vera nokkuð pottþétt á föstudaginn,“ segir hann.

Hann segir að veðrið sé að ná sér á strik eftir úrkomumikla byrjun á mánuðinum.

Enn er hæpið að ætla að spá fyrir um hvort rigni á þjóðhátíðardaginn.

Veður

Mest lesið


Fleiri fréttir

Sjá meira


×

Mest lesið