Burnham form­lega orðinn þing­maður

Andy Burnham, þingmaður og fyrrverandi borgarstjóri á Stór-Manchestersvæðinu, hefur tilkynnt að hann sækist eftir því að verða næsti leiðtogi breska Verkamannaflokksins. Sem slíkur myndi hann að óbreyttu taka við sem forsætisráðherra Bretlands í kjölfar afsagnar Keir Starmer. 

Fagnaðarlæti tóku á móti Burnham í troðfullri neðri deild breska þingsins eftir að hafa svarið embættiseið, segir í fréttavakt BBC. 

BBC segir viðbrögðin sem tóku við Burnham merki um að leiðtogakjörinu sé í raun lokið áður en það hafi hafist. Frambjóðendur þurfi að njóta stuðnings 81 þingmanns flokksins til að hljóta kjör. Nýi þingmaðurinn hafi tekið sjálfu með um tvö hundruð þingmönnum Verkamannaflokksins.