Russell á ráspól í Austur­ríki

Russell var fljótastur allra og ók hringinn á 1:06,113 mínútum. Charles Leclerc á Ferrari varð annar, aðeins 0,236 sekúndum á eftir Bretanum, en liðsfélagi hans Lewis Hamilton tryggði sér þriðja sætið, 0,295 sekúndum frá besta tímanum.

Ungstirnið Kimi Antonelli á Mercedes hélt áfram að vekja athygli og varð fjórði, aðeins sex þúsundshlutum á eftir Hamilton. Heimsmeistarinn Max Verstappen á Red Bull varð að sætta sig við fimmta sætið á heimavelli liðsins, en Lando Norris á McLaren hafnaði í sjötta sæti.

Keppnin sjálf verður á morgun og er í beinni útsendingu á Sýn Sport Viaplay. Útsending hefst klukkan 13:30.