Stjörnulífið: Pat­rekur og Gísli Marteinn saman á Bad Bunny

Ef Instagram færslurnar birtast ekki er ráð að endurhlaða (e. refresh) síðunni.

Patrekur Jaime og Gísli Marteinn á Bad Bunny

Raunveruleikastjarnan Patrekur Jaime fór til Stokkhólms að sjá einn af hans uppáhalds tónlistarmönnum, Bad Bunny, á sviði. Með honum voru góðir vinir, meðal annars sjónvarpsmaðurinn Gísli Marteinn og Anna Theresa Morales. Patrekur hefur nokkrum sinnum slegið í gegn sem gestur hjá Gísla Marteini. 

Ástin blómstar

Ástin blómstrar á Instagram og voru mörg stjörnupör sem birtu fallegar myndir á samfélagsmiðilinn í liðinni viku. 

Tónlistarparið Friðrik Róbertsson, betur þekktur sem Flóni, og Kolfreyja Sól Bogadóttir, jafnan þekkt sem Alaska, birtu paramynd frá Grikklandi og skrifuðu „Heit á Krít“ við færsluna. 

Ofurparið Halla Vilhjálmsdóttir og Eiður Smári Guðjohnsen skelltu sér á lúxushótel í Malaga í vinnuferð. 

Leikkonan og skemmtikrafturinn Steiney Skúladóttir frumsýndi kærastann, tónlistarmanninn Helga Egilsson, í tilefni af fertugsafmæli hans.

Tónlistarhlaupari

Tónlistarmaðurinn Kaktus Einarsson tók þátt í Aukakrónuhlaupinu í miðbænum og bætti tímann sinn svakalega á nokkrum vikum. Stöðugleiki er lykillinn samkvæmt honum!

Fagnaði Pride mánuði í London

Bakarastjarnan Elínóra Rós Georgsdóttir fór yfir liðinn mánuð í London.

 Höfrungar á Hydra-eyju

Áhrifavaldurinn Móeiður Lárusdóttir heldur áfram að vera ofurpæja á Grikklandi og heimsótti höfrunga á Hydra-eyju á dögunum.

Ítölsk díva

Áhrifavaldurinn Rósa Kristinsdóttir skellti sér til Ítalíu í hitann og færði hitann yfir á Instagram!

Sumargella á Spáni

Útvarpskonan Jóhanna Helga Jensdóttir er að „sumar-ast“ á Spáni.

Massaður í Króatíu

Priks-prinsinn Geoffrey Huntingdon-Williams fékk sér snellu í Króatíu og baðaði sig ber að ofan í sólinni.

Drekkur ekki kaffi

Húðdrottningin Helga Sigrún brosti með kaffibolla á sólríkum degi í Reykjavík (já, sólin skín stundum í Reykjavík - ekki gleyma því) en drekkur ekki einu sinni kaffi.

Stjörnufans á Jómfrúnni

Það var margt um manninn á Jómfrúnni um helgina þegar Selma Björnsdóttir og Jóhanna Vigdís Arnardóttir héldu tónleika ásamt hljóðfæraleikurum. Einar Már Guðmundsson, Ingibjörg Sólrún, Kristófer Dignus og Maja Heba, Gaupi, Pétur Gautur, Pétur Blöndal og Anna Sigríður, Guðrún Sesselja og fleiri voru á svæðinu í góðum gír.

Afmælisprinsessa

Athafnakonan Sofia Elsie Nielsen fagnaði afmæli sínu í alvöru sumar-skvísu-klæðnaði.

Soho stelpa

Fyrirsætan Helena O'Connor skvísaðist um í skemmtilega hverfinu Soho á Manhattan eyju.

Í bláu í Madríd

Markaðsskvísan Ásgerður Diljá klæddist bláum kjól í Madríd á Spáni sem passaði mjög vel við bláu augun hennar.

Bomba í London

Stjörnustílistinn Hulda Halldóra kann svo sannarlega að klæða sig upp og sýndi fylgjendum sínum hvernig á að gera þetta með pæjumynd frá London.

Sjóðheit á Sikiley

Tískudrottningin Sara Kamban fór með vinkonu sinni Auði Erlu til Sikileyjar þar sem þær spókuðu sig um eins og sannkallaðar skvísur.

Ein í Tívólí

Tónlistarkonan Emiliana Torrini fór ein í tívólí í Vínarborg í Austurríki og mælir með því.

Emiliana kom í helgarviðtal á Vísi vorið 2024 þar sem hún sagðist meðal annars aldrei hafa verið hrifin af því að fylgja reglunum.

Partýdrottning

Raunveruleikastjarnan, áhrifavaldurinn og framkvæmdastjórinn Birgitta Líf skellti sér á djammið í Reykjavík með góðum vinum.

Laufey í Kína

Stórstjarnan Laufey Lín átti góða daga í Kína meðal annars með móður sinni og Carmen Ingu sem vinnur í teyminu hennar. Að vanda rokkaði Laufey hvern glæsilega kjólinn á fætur öðrum.