Spán­verjar taka upp landa­mæra­eftir­lit gagn­vart Ítalíu

Ítalía afnam tímabundið Schengen-samstarf um frjálsa fólksflutninga milli landanna tveggja í kjölfar streymis flótta- og farandfólks frá Marokkó til Ceuta. Ceuta er spænskt landsvæði í Norður-Afríku og ytri landamæri Evrópusambandsins.

Spænskir ríkisborgarar séu undanþegnir eftirlitinu við komuna til Ítalíu og að ráðstafanirnar eigi aðeins við ríkisborgara utan Evrópu. Í gær krafðist Spánn þess að Ítalía afnæmi sitt eftirlit fyrir lok helgar en að sögn ítalskra stjórnvalda verði það í gildi til 15. ágúst. 

Aðgerðir Spánar verða í gildi í til 7. september að sögn breska ríkisútvarpsins. 

Talið er að um 70 þúsund flóttamenn hafi nú snúið aftur til Marokkó en að um hundrað hafi látið lífið í hamaganginum þegar fólkið lagði til sunds til að synda fram hjá landamæragirðingu sem skagaði út í Miðjarðarhafið og aðskilur Ceuta frá Marokkó.

Sjá einnig:  Tæp­lega 50 þúsund manns synt til Ceuta á einum sóla­hring

Giorgia Meloni, forsætisráðherra Ítalíu, hefur um nokkra tíð kallað eftir strangari löggjöf hvað varðar fólksflutninga innan Evrópusambandsins. Pedro Sanchez, forsætisráðherra Spánar, sagði stöðuna byggða á falsrökum og að engin leið væri fyrir fólkið sem kom til Ceuta að komast inn á Schengen-svæðið.

Ursula von der Leyen, forseti framkvæmdastjórnar Evrópusambandsins, kallaði fyrr í vikunni eftir samhentu átaki Evrópuríkja um aukið öryggi á landamærum sambandsins. Boðað var til neyðarfundar með innanríkisráðherrum Schengen-ríkjanna vegna atviksins í Ceuta í síðustu viku. 

Meðal þeirra sem sátu fundinn var Þorbjörg Sigríður Gunnlaugsdóttir dómsmálaráðherra, en hún sagði fyrstu viðbrögð ríkjanna hafa byggst á ófullnægjandi upplýsingum um sérstöðu Ceuta.