Bein út­sending: Sjálfs­víg á Ís­landi – staðan, for­varnir og leiðin fram á við

Fyrsti fundur fer fram í Öskju í Vatnsmýri í dag, föstudaginn 25. september kl. 11:30 til 13:00. Heilsan okkar er fundaröð Háskóla Íslands og Landspítala sem hefur það að markmiði að varpa ljósi á áríðandi mál líðandi stundar er varða heilsu og heilbrigðisþjónustu. Fundirnir eru mánaðarlegir og eru öllum opnir. Þeir eru á dagskrá síðasta föstudag hvers mánaðar.

Dagskrá fundarins:

• Tómas Kristjánsson, lektor við Sálfræðideild Háskóla Íslands – Frá sjálfsvígshugsunum til forvarna: Hvað vitum við og hvað vantar okkur að vita?
• Patrekur Örn Gestsson, rannsóknarmaður hjá Miðstöð í lýðheilsuvísindum – Tengsl áfalla í æsku við sjálfsvígshegðun kvenna
• Guðrún Jóna Guðlaugsdóttir, verkefnisstjóri embættis landlæknis – Tölfræði og aðgerðaáætlun til að fækka sjálfsvígum á Íslandi
• Steinn Thoroddsen Halldórsson geðlæknir og yfirlæknir á geðgjörgæsludeild Landspítala – Mat á sjálfsvígshættu og algeng nálgun eftir sjálfsvígstilraunir
• Anna Guðný Hermannsdóttir, verkefnastjóri Hjálp48 hjá Sorgarmiðstöðinni – Stuðningur við aðstandendur eftir sjálfsvíg