Bandero leitar skjóls í Reykja­vík

Gunnar Tryggvason hafnstjóri Faxaflóahafna segir að gamla höfnin í Reykjavík sé mun skjólbetri en Akranesshöfn í áttunum sem spáð er.

Eins og fyrr segir stóð til að flytja skipið í gærkvöldi en þegar mannskapurinn kom á Skagann var engan skipstjóra að finna. Í dag var svo gerð önnur tilraun í dag og þá var ekki hirt um það hver væri um borð eða ekki.

Bandero er skip samtaka hvalveiðiandstæðingsins Pauls Watson og hefur legið við bryggju á Akranesi frá því í ágúst. Skipið var kyrrsett en kyrrsetningunni var aflétt fyrir nokkru síðan. Ógreidd hafnargjöld og annað tilfallandi hefur orðið til þess að skipið er hér enn.