Fimmta árið í röð eru Noregsmeistararnir með eina ís­lenska í liðinu

Brann tryggði sér titilinn með 4-1 útisigri á Lilleström en liðið er með fjögurra stiga forskot á Aalesund þegar aðeins ein umferð er eftir.

Diljá var í byrjunarliði Brann í leiknum en Brenna Lovera, fyrrum leikmaður ÍBV og Selfoss á Íslandi, skoraði tvö mörk í leiknum.

Diljá hefur skorað sex mörk og gefið þrjár stoðsendingar í 21 deildarleik á þessu tímabili.

Þetta þýðir að íslensk landsliðskona er meistari í Noregi fimmta árið í röð.

Diljá vann líka titilinn með Brann í fyrra en þar á undan vann Valerenga tvö ár í röð með íslenska landsliðskonu í sínum röðum.

Sædís Rún Heiðarsdóttir varð meistari með Valerenga 2024 og árið á undan varð Ingibjörg Sigurðardóttir fyrirliði Valerenga þegar liðið vann titilinn.

Árið 2022 varð Svava Rós Guðmundsdóttir tvöfaldur meistari með Brann.